طريقة الشراء من موقع جولي شيك | How To Buy From Jollychic

السلام عيكم و رحمة الله وبركاته





يوم جميل سعيد للجميع ، و كل عام وانتو بخيير
اتمنى انو انبسطو بالعيد و التميدد 

كثير سألني كيف اشتريت من موقع جولي شيك و ووحده طلبتني الطريقه بالتفصيل
بشرح في ذا البوست طريقة الشراء من ( موقع جولي شيك )

سبق و تكلمت عن تجربتي من الشراء من الموقع " هنا "


اول شي لازم يكون معاك فيزا ،احس صار جدا مهم ذي الايام يكون مع كل شخص فيزا
لان صار الاغلب يشترون بالانترنت

- رح اشرح لكم كل شيء بالتفصيل من التسجيل إلى تتبع الشحنه

من هنا نختار اللغه ، و التسجيل و كمان موجود الشات و صار عندهم تعامل عن طريق الواتس و السكايب
1- التسجيل  2- اختيار العملة 3- اختيار اللغه 4- الشات



اول شي طريقة التسجيل بالموقع جدا سهله وواضحه في الصوره تقدري تسجلي عن طريق الايميل او الفيسبوك او قوقل



بعد ما سجلنا و خلصنا نجي للاختيار القطع اللي نبغى نشتريها و كيف نعرف مقاساتها
١- سعر السلعه.  ٢- لون السلعة. ٣- مقاس السلعة.
٤- دليل المقاس بنزله في الصوره اللي بعد ذي 
٥- كم قطعه ابغى من نفس السلعه. 
٦- هذي الخاصيه حلوه اذا كان خاطرك في قطعه بس ما تبغي تشتريها ذحين تقدري تحطيها في مفضلتك
٧- هنا اذا خلصنا نضيف القطعة في السلة حقت المشتريات
٨- هنا يعطوك ٥ دولار اذا شاركتي القطعه في اي من مواقع التواصل اللي تحت 



ذحين نجي لمقاس السلعه لازم يكون معاك شريط قياس عشان تقيسي نفسك 
قياس الملابس 
قياس الاحذيه 
بعد ما اخترنا المقاس و اللون نضيف السلعة للسله ، ذحين رح اشرح كيف ادفع و احط عنواني 
1- مبلغ جميع السلع اللي اخترتيها بدون رسوم الشحن
٢- رسوم الشحن
٣- المبلغ اللي رح تدفعيه على السلعه + الشحن
٤- اذا كان عندك كود للتخفيضات تحطيه هنا 
٥- هنا عشان تكملي عملية الشراء 
*معلومه اذا كانت مشترياتك بقيمة ١٠٠ دولار يكون الشحن مجاني*



ذحين نحط العنوان انا عنواني موجود من اول ، بسوي واحد جديد عشان اشرح لكم 


طبعا انا حطيت الرمز البريدي حق مديني 


اذا انتهيتي تضغطي تأكيد و دفع ، ذحين نجي للدفع 


بعد ما دفعنا نتتظر حتى يتم شحن السلعه تقريبا يأخذ منهم ٣ ايام و اكثر 
بعدها تجينا رساله ع الايميل انه تم الشحن و يعطونا رقم التتبع 


اول شي رح تكون كذا 



و اذا انشحنت تصير زي كذا , طبعا انا شحنتي وصلت من زمان 
١- ارامكس شركة الشحن اللي رح تشحن لك 
٢- رقم التتبع ، تضغطي عليه ورح يوديك على موقع ارامكس 



و اذا ما زبط معاك تقدري تدخلي على موقع ارمكس من هنا  و تضعي رقم تتبعك

وبكذا انتهيت شرح طريقة الشراء 
اتمنى استفدتو من ذا البوست ..




HAVE A BEAUTIFUL DAY
XOXO

هناك 13 تعليقًا:

  1. شكرا لك على الشرح

    ردحذف
  2. يعافيك ربي ع الشرح وافي وكافي ..
    قد طلبت منهم بس اذكر طولت الشحنه شوي ،، وهالشي ماشجعني اطلب منهم مره ثانيه : (

    ردحذف
    الردود
    1. ممكن تجين انستا تفهميني بس ارامكس هاذا 💔 mememoo_68j هاذا حسابي

      حذف
  3. شكرا لك ع الشرح كفيتي ووفيتي
    ما قصرتي والله
    يعطيك العافية

    ردحذف
  4. اختي كيف اعرف المقاسات كم يعادل s - m ؟ في الموقع بالارقام !

    ردحذف
  5. أزال المؤلف هذا التعليق.

    ردحذف
  6. انا عجبتني اكسسواراتهم وكنت مستصعبه اطلب منهم احسب الطريقه صعبه طلعت سهله..
    مشكورة ياعسل..

    ردحذف
  7. السلام عليكم
    انا اسمي اخلاص من الاردن
    انا خابب اشتري من الموقع جولي وشفت كل التعليقات ايجابية ولكن ما في حدا من الاردن جربه

    يعني انا اذا بدي اشتري
    استخدم الفيزا تبعت البنك وايش المعلومات اللي يطلبوها
    وفي عنا ارامكس بس ارامكس بوخذةا مبلغ وقدره بصير اكتب الرمز البريد الاردني بزبط
    وهل عليه جمرك لانه في عنا جمارك

    ردحذف
    الردود
    1. تستخدمي الفيزا تبع البنك
      و تحطي عنوانك عادي
      و الموقع نفسه متعامل مع ارامكس يعني مرح تدفعين مبلغ كبير للشحن
      اما عن الجمرك ما اعرف

      اتمنى اكون افدتك

      حذف
  8. انا طلبت بس مااخذت طلبيتي وذحين ابغى ارجعها كيف؟

    ردحذف
    الردود
    1. تواصلي مع الموقع و قولي لهم انك تبغي ترجعي الطلب

      حذف